السلام عليكم ورحمة الله وبركاته
االقصيدة للشاعر : محمد جارالله السهلي
ياعين كن الدمع مامنه مجناب
ولاكل رجال فقدناه نبكيه
تغورقي بالملح والملح ذاب
المحجر اللى جف بسيل واديه
وأن كان حر الدمع ماجرح أهداب
ليه البكاء والحزن يامدمعي ليه؟
ذيب الشقاء يقنب على راس مرقاب
يامصبرين القلب في موت غاليه
الموت نرضابه بلاشرح واسباب
نرضى بحكم الله ونصبر وندعيه
يغفر ذنوب الفيصلي ستر وحجاب
أمة محمد دون شي تحاتيه
يانجد ) عم الحزن وديان وهضاب
وياحجاز) كل جبالك اليوم تنعيه
وحائل ) كست سلمى من الهم جلباب
وعرعر)) حكت حزن الشمال ومعانيه
ونجران )من زود العنا تفتح كتاب
حزن الجنوب )وتنقل أصدق تعازيه
وهل الخليج )) الدمع في راس مشعاب
والبحر الاحمر ))كن جده تواسيه
وياكويت) حزنك غير ومصابك مصاب
في موت من حرر قيودك بياديه