صبحكم الله بالخير جميعا
اخواني اضع بين ايديكم هذه القصيده المتواضعه
وارجو ان تنال على اعجابكم :
ياجعل يسقا ياشهر سته اثنين=متى يجي وتعوّد الروح فيه
باقي ثلاث ايام عقبه تردين=كنها ثلاث سنين واكثر شويه
في غيبتك سهران والناس ممسين=واهل دمعي كل صبح وعشيه
شفت القهر والضيم والجور والشين=وعرفت وش معنى الحياه الشقيه
زين الوصل بيني وبينك وياشين=صدك وبعدك اشهد انه بليّه
الله يصبرني على البعد ويعين=قلبن كواه البعد والشوق كيه
فالبال دايم يامنى الروح تطرين=في ذمتي منساك والعين حيّه
ياسيّدة كل البنات المزايين=يالجادل الترفه ويالغشمريه
المسلمين اعايدهم بس عيدين=من السنين اللي مضت الاولّيه
وانا ثلاث اعياد ياقرة العين=عيد الفطر (( وانتي )) وعيد الضحيه
وسلامتكم