دخيلك يابعـد عيـن الشقـاوي= تروف بحالتي وانـت المـداوي
ترفق بـي تـرا حالـي شقيـه=وترا قلبي عن الصده غنـاوي
دخيلـك لا تعذبـنـي كفـايـه=ترا الدنيا بدونك مـا تسـاوي
حبيبي والفراق الصعـب خلـه=فراقك مـن كبيـرات البـلاوي
رجيتـك لا تخلينـي لحـالـي=واعيش العمر من بعدك خلاوي
اذا تقوى على الفرقـا دقايـق=انا ماني على الصـدات قـاوي
على شانك حياتي لك رخيصـه=واعيش العمرلرضاتك فـداوي
تمنـيـك ولاكــن مالقيـتـك=ولا فادت على شوفـك منـاوي
انا لوني شكيـت الحـب مـره=لغير الله مـا بحـت الشكـاوي
بكى قبلي الجفاء مجنون ليلـى=بدمعن كنـه السيـل النحـاوي
ولاكن مانـي بقيـس الملـوح=ولا شعري مثل شعر العطـاوي
انا عاشـق والامنـي ذكرتـك=على المرقاب سجيت الخطـاوي
ابيـح فيـه ماقلتـه لعيـنـك =بشعرن كنه البـرق السنـاوي
وإلامني زهمتـه جـاك حرفـه=يفـوع وكنـه الحـر النـداوي
بدعـت القـاف فغيابـك=لأنـي احب وشاعر وقلبـي هـواوي
فلولا العشق ملعون الصلايـب=قسـم بالله مـا جـر الغنـاوي
تنام وعيـن غيـرك ماهناهـا=سوا ليل على ذكـراك يـاووي
هجدني الليل بجزانـه وضيقـه =وطوا حالي من الهاجوس طاوي
مدام اني مـن همـوم الليالـي =سهرت وماعلى الممسا حراوي
بكفكف ضيقتي وامسح دموعـي=وابرجي من عليه ابدي الرجاوي
فلا غيره يهون ضيق صـدري=الي منـي طلبتـه بالدعـاوي
.
.
عبدالله بن عصيدان