سلام من شاعر اليا من قال يدري ويش يقول=
شوير ناسن ماتشاور غير من ضلعـة قـوي
والشاعر الموهوب عند الناس يلقى لة قبـول=
وتجارة اهل المعرفة مـع غيرهـا ماتستـوي
ماعندنا غير الضمير الحي حيـث ان الميـول=
ماهو بمحمود العواقب ياهـل النهـج السـوي
وجهة نظر لاجيت ابررها بحيط ابهـا شمـول=
لني من بحور المشاعر والمعـارف مرتـوي
في وقتنا نال المعـزة مـن حسبتـة ماينـول=
والواقعي بعيـون ناسـن تستبـدة فوضـوي
والعز تعتادة هله .... ياقل والله مـن يطـول=
العز فى وقته لـو ان العـز لجـداده خـوي
وحنا لنا وامثالنـا تاريـخ تأسيـس الاصـول=
حوافزن تبقا واهم امـن اى دعمـن معنـوي
وحنا سلاطين المجالس جن بظهـور الخيـول=
اقلوب نبري غلها ,,وقلوب نشويهـا شـوي
وكل القبايل تفتخر بفعالهـا فـى كـل حـول=
وماينكر امجاد القبايل غيـر غـاوي ومغـوي
متشدق بمعنى الحضاره والتحضـر للوصـول=
على كتوف الغير بسلـوب الاديـب التربـوي
لو ذمنا ماهمنـا والهـرج لصحـاب العقـول=
والا بليد العقل مما ليس له ويـش يحـوي ؟
اصل الحقايـق والمعـارف لوتغطـا مايـزول=
والكذب مهما طال يطوي من يروج له طـوي
اللي يتاجر فالمهبل مـن نزولـن فـى نـزول=
لابد يقطف من ثمر زرعـه عقابـن دنيـوي
قولوه لصحاب الحسد والحقد واصحاب الفضول=
سباحت الما العكر واطراف الطريق الملتـوي
صادق ولانى منجرف لمروج انصاف الحلـول=
والشعر حجة صادقن والذيـب لذيـب يعـوي
هذا وانا ماقلت ربع اللى على فكـري يجـول=
ويفهم كلامي من كواه الوقت بالميسـم كـوي
لوكل من قال الشعر يفهم تفاصيـل الفصـول=
ماكان شفت الاولويـة عنـد غيـر الاولـوي
شاعر من العجمان ,,لامني بغيت اقول اقـول=
والواقعي بعيـون ناسـن تستبـده فوضـوي