اشوف ان توحيد العمله مطلب وطني خليجي في ظل متغيرات دوليه واقليميه وتكتلات اقتصاديه مثل
دول شرق اسيا ( الآسيان ) والاتحاد الاوربي اليورو بالاضافه الى امريكا . وحنا الحمد لله يجمعنا
الدين واللغه والتقاليد وتشابه الانظمه . واكيد ان فتره التحول راح تكون صعبه لبعض الدول
والمؤسسات وحتى الافراد لاننا تعودنا على عمله ونخاف من التغيير . واللي قريته من خبراء
الاقتصاد انه من المتوقع ان تحقق دول الخليج استقرار اكبر للعمله الموحده وكبح جماح التضخم
بشرط اذا تخلت دول الخليج عن ربط عملتها بالدولار باستثناء الكويت اللي تخلت بالفعل .
اما الكويت اتوقع لازم تمر بمرحله انتقاليه من بدايه مشروع توحيد العمله بحيث اتداول العملتين
الدينار الكويتي والعمله الخليجيه الموحده بالسوق الكويتي .
والخلاصه ان توحيد العمله شي ضروري جدا لتكامل اقتصادي وقوه نقديه كبيره لدول الخليج
وتكون في اتجاه اقتصادي واحد لمواجهه الازمات الماليه