خل الشفر ياخوك واخـذ العـراوي
دامك من اللي ما يحـب المظاهيـر
او اخذ لك شاص (ن) وخلك هواوي
واشتر نياق(ن) طيبـات(ن) مغاتيـر
وان كنت قناص(ن) تحب النـداوي
عليك بالجكس ار ما منـه تقصيـر
واهل القنص ياخوك لافي وظـاوي
اقنص معاهم واعرف النسر والطير
واشرب حليب(ن) ما يجي بالمناوي
بارض(ن) تغطت في لباس النواوير
اسرح بنوقـك ثـم غـن الغنـاوي
ثـم سولـك خمسـه دلال مباهيـر
في مجلس به نار ما هـو قهـاوي
واجمع بني عمك رجال(ن) مناعيـر
لو كنت مرضان فهرجـي يـداوي
اعمل بمـا قلتـه وتلقـى التباشيـر
اسمع كـلام سلطان العطـاوي
وخلك كريم(ن) لا تقاطع عن الخير
والنـم لا تقربـه خـل الـدعـاوي
اهل الدعـاوي مجلبيـن المعاسيـر
وخل الشفر ياخوك واخذ العـراوي
دامك من اللي ما يحـب المظاهيـر