[ابن شتــــران]

اسعدتم مساء ً

هجينيه بسيطه
ارجو ان تقبلوها

:

:

كثر الحكي بين طيش وعيش=وقل الحكي يفرض الهيبه !!

لا صار قول الحكي بشويش=بيـّن مع قايله طيبه

والطيش / ياعايشين الطيش=وجه الزمن في ملاعيبه !!

في عرض وقتٍ بلا تهميش=جبت اللي اقدر انا اجيبه ..

اشوف كلن ظهر له ريش=واصبح يعايش عذاريبه

ماهمـّه الا ّ بلا التشويش=ولا ّ يحاوط معازيبه :

قرش ٍ يعدّه قريش قريش=وعمر ٍ يبيع ولا يشريبه

في ذا الزمان العيوب تعيش=ويموت من ينبذ العيبه !!

لا حيّ منهو فجوجه جيش=ولا مات من يجلب الخيبه

وان جيت ابسأل لما او ليش ؟=عـِلـّمت في شي ّ ماليبه !!

ياويش ابصبر كذا يا ويش=والعاقل تحومه الرّيبه

امـّا قبلت بخطايا الطيش=ولا ّ اعدمتني مخاليبه !!

:

:

حسـن آل صليع