السلام عليكم ورحمة الله وبركاته
مساء الخير قصيده جديده عسى تنال ع أعجابكمـ أهداء ....!
الا ياليت لي ريـش وجناحـي=وجي للـي ميادينـه فسيحـه
سلام الله علـى دار الفلاحـي=ابوسلطـان وقفاتـه صريحـه
ديار(ن) له غرامي وارتياحـي=تشد الفكر واتهيـض القريحـه
ديار اللي ملاقاهـا صباحـي=والى من غابت ايامي كليحـه
فتات(ن) رمشها مثل الرماحي=خذت قلبي عسى ربي يبيحـه
هي الشهد المصفّى والقراحـي=هي الترياق لنفوسـن طريحـه
بريق الشوق وسط القلب فاحي=عزايه للـي دنياتـه شحيحـه
صدى ياللي حرمتيني مراحـي=صدى ياللي تواصيفك مليحـه
بشوفك تلتئم كامـل جراحـي=وليلك لنتثـر همـي يزيحـه
عجزت اسلاك والتفكير صاحي=تقول مذيّر(ن) حظّه يصيحـه
أنا طير الخلا وانتـي فياحـي=أنا نار الحطب وانتي فحيحـه
أنا الكراّر وانتي لي سلاحـي=أنا الجوال وانتي لي شريحـه
أنا ودي أجي يمـك سياحـي=لأن الروح في بعدك جريحـه
جمالك شدني والعقـل راحـي=جمالك فـاق داريـن ومليحـه
__________________
وقـــت من أوقاتـك للأوقات توقيت ... وسجل لنفسك فالمساجد تواجـد
وأبـشر بفـزعة حامي الدين والبيت... أذا هجــدك من الهواجـيس هـاجد