السلام عليكم
ارجو من الاعضاء الكرام اعتماد كتابي هذا وتوقيعه
هذا كتابي بس محتاج توقيع=من قاضي اهل الحب للاستقاله
قررت اهجر الحب من غير توديع=وانساه وارحل وابتعد عن مجاله
دخلت في دنيا الغرام بمشاريع=واحلام ورديه وكانت هباله
ماكنت اعرف ان الهوى فيه تلويع=وان المولع دمعته راس ماله
وان الدليله فيه ايتوه ويضيع=ولاعاد يدري وش جنوب وشماله
ترا الرسايل كلها اليوم للبيع=واللي يبي ياخذ تراها حلاله
ارجوك ياقاضي الهوى بس توقيع=عجل ترا الرجعه لهم مستحاله
مقدم الكتاب
الغربي