[the_one]

السلام عليكم

احب ابتدي بالشطر الثاني من السؤال ،، الفرق بين الحب والصداقه

الحب شي محد يقدر يوصفه كله احاسيس ومشاعر وعاطفه وتضحيه ،، تضحي بكل شي علشان اللي تحبه قلبك يكون مو لك يكون حق الشخص اللي تحبه ،، في ناس وايد يقصون على نفسهم ويقولون احنا نحب بس ما يعرفون وين يوصلون مع بعض ،، الحب الحقيقي الصادق لازم يوصل لي الزواج ،، بس عيب الحب ان يعذب

صحيح ان من لقى احبابه نسي اصحابه لكن الصديق مكانته كبيره والصديق الحقيقي الايام وفي وقت الضيق راح تلقاه يساعدك ويوقف معاك ،، الصداقه علاقه قويه وااااايد صعب انها تنتهي حتى لو الاصدقاء تصير لهم ظروف عقب سنيييين يلقون بعض هم اصدقاء عكس الحب ،، تحس بالراحه اذا لقيت صديقك معاك ،، الصداقه رباط قوي بس عيبه ان صديقك عارف كل شي عنك واذا صارت مشكله كبيرره تلقاه يكرهك اكثر من عدوك

الصداقه هل تحول الى حب ؟ القصد من الصداقه هذي بين الرجل والمراه
نعم ،، ممكن تتحول حق حب واحتمال كبير ،، بالبدايه تكون صداقه او حتى زماله ،، الوقت كفيل ان يسوي كل شي ،، بس خل يصير بينهم وقت راح تتحول حق حب ،، لان كل واحد راح يعرف الثاني اكثر حتى لو متخوف منه او مو واثق فيه الوقت راح يثبت له الوقت العكس او احتمال يعرفه على حقيقته المره وما يصير حب ))

صداقه او زماله يكون فيها تبادل حوارات او طرح مواضيع ،، اهني يبتدي الاعجاب هذا اهو البدايه ،، الاعجاب حتى الشخص نفسه مو حاط في باله ان انا حبيت هالشخص بس مجرد اعجاب انا يعجبني بجذي اسلوبه وطريقته بالكلام تعجبني افكاره تعجبني وما نقدر ننسى الشكل هم يلعب دور بعد ،، بعدين يحس بالراحه بقربه وبوجوده معاه يحب يسمع له ،، يحب يشاركه في مشاكله ،، كل واحد منهم يحب يشارك الثاني حتى بمشاكله الشخصيه ،، شوي شوي يحس ان ما يقدر يستغني عن هالشخص يقعد يفكر انا حبيت هالشخص انا احس وجودي معاه راحه وبجذي الصداقه تحولت حق حب

في ناس وايد يشوفون الحب شي تافه ومو موجود الا ايام قبل نفس ما كان عند روميو وجولييت بس الحب يطب فجاه وانت مو حاس بنفسك لو تمر بكل اللي انا قلته راح تحس بطعم الحب اكثر من حب روميو وجولييت بعد ))

مشكوره كويتيه ويعطيج العافيه على النقل الحلو

باي