السلام عليكم و رحمة الله
مسيكم \ صبحكم بالخير جميع
صراحه بعد ما شفت التشجيع من الشًله الاولى حبيت اهديلكم
هالشله الثانيه و انا كلي امل انها تحوز و
لو بشي بسيط من اعجابكم و مالي غنى عن ارائكم
بسم الله
و ذي الشًله
زماني عسى ما شر تركَد جعل ما تهون=ما قد شفت مثلك وافين في مواجيبه
توَليت قلبي بالعنا و الجروح فنون=و تحمَلتك لعين الذي طوَل الغيبه
هذاك الغلا و كل الحلا كنز(ن) و مدفون=بزينه على كل الملا فاز ترتيبه
تضمَه عيوني ضمة الشايب المسجون=ليا ضَم بنته و أدمت جروح تعذيبه
غلاه بضميري يشبه اللولو المكنون=و غلاي بضميره بير عذبه مشاريبه
و يا عاذلي وشفيك متضايق و مغبون=احبه و احبه لو تعدَدَ عذاريبه
و ارحب ليا منه نوا بالحشا بالطعون=هلا مرحب(ن) يا طعون و الفين ترحيبه
و اذا تقول انا مجنون قلها.. انا مجنون=و جنون الغلا بي مبغي اعرف تطابيبه
و انا خابر انه ما نسى عهدي المصيون=و صدق الوله و الشوق ياتي و يقفي به
و عزااه يا قلب(ن) على صاحبه مشحون=و لجله تنحَر ذا الزمان و لواهيبه
و عزااه يا كلمة ( احبك ) و انا المحزون=ليا قالها و العبره تجيه و تصيبه
زماني.. و عذالي ..بتبطون و تعجزون=و انا اموت ما انساه لو طالت الغيبه
و سلامتكم و اسمحولنا على القصور...
اخوكم : محمد العزام