[سالم الحبيشي]

إن طعتني خل جوالك على الصامت=وخذ قاعدة طنـش العالـم وطبقهـا


البنت مهما أعشقت وأشتاقت وهامت=لو قالـت أنـي أحبـك لا تصدقهـا


الا اللي من حبها لرضاك ما سامت=لو أنذرت عمرها من دون عاشقهـا


ذي اللي في حبها لا تفرح الشامـت=يـا تحبهـا صـدق والا لا تعلقهـا


وأغنم زمانك ترا الأيام مـا دامـت=تغااانم اللي بقـى دامـك مفارقهـا

وهــــذه القـــصـــيـــده رداً علــيــــهـــا

لا ارتاحت الناس في شفك ولا قامت=ما يدري بأسرار نفسك كود خالقهـا


تقول عيني لها يوميـن مـا نامـت=وأقـول شاللـي معنيهـا ومرهقهـا


عمر الغلا ما يجي بإحراق ومعامت=معامتٍ نفسـك بنفسـك ومحرقهـا


بعض المحبه طيورٍ كل مـا حامـت=ما مرها مـن الهبـوب الا مفرقهـا


وبعض المحبه طيورٍ كل ما شامــت=عن دارها كن جفا (المربى) يوثقهـا