[عزيز الفوزان]

السـلام عليكم ورحمة الله وبركاته

بعد التحيـة


بديـة ..

مقدمة ليس لها علاقه بالنـص الذي سيليهـا ..



محطه خسـاره تبعد عن منطقة حفر الباطن 60 كيـلوا تحديدا ً على خط الرقعـي هي اقدم محطه حسب علمـي .. ومع ذلك على إسمهـا خسـاره إذ ان في بداية خروج المسافرين من منطقة حفر الباطن توجد محطة اسمهـا الصيعـري وهي حديثة مقارنة بخساره ولكنهـا ماشاء الله أمورهـا طيبه ..

ليـه اطول عليكم هم بيتين وتاضح الامـور ..

عـزي لحـالك يامحطة خسارة = لاجانيه ربح ٍ ولابه محاصيـل
الصيعـري عقبك وحط إعتباره = وأنتي على رجـوا تساق الهماليل
وانا بعد ماني معين تجاره = ماغير اسري الليل طرق التعاليل

7
7

تدري متى اوصـل لحد السمـاجه=لما استمع حكي المغفـل واجـاريه
اللي نظره يلد في كل حـاجه=وفي نظرته فالخلـق محد ٍ يسـاويه
وعلى الخطا دايم يعقـد حجاجه=ويغض طرفه لاغدى واقع ٍ فيه
حتى الشعر منه تزايـد خلاجه=بعثـر معانّيه وبعثـر قوافيـه
راح ورسم له خطة ٍ في مزاجه=ودون بها ماصار باأخر مغازيه
يومنه يعّود لعرشه وتاجـه=وياكيف كانت تحتفي به جواريه
هذاك والله مستحيـل ٍ علاجه=إلا بسيف ٍ ينغرس في محانيه
وإلا يكوى فوق وركه بصاجه=إلين مايونس عواقـب خطاويه
الشعر ماتلفي عليه العجاجـه=جوه نقي مايبخصه غير اهاليه
امثال إبن وسام يضوى سراجه=وإلا إبن قضعان شيد مبانيه
هذي مدارس نقتدي في نهاجه=ولاكل صوت ٍ للرجاجيل نوحيه

إهـداء لقلـوبكم النابضه ..