[عبدالناصر آل عبدان]

المشاركة الأصلية كتبت بواسطة صـــبـــــــــا

ليتك تحس بغيبتك وش حالت اللي يموت فيك=ودّك تعرف بحالته ركز معـي فـي حالتـه
قد له شهر من وين ما راحت عيونه يحتريك=في راس مرقابه يخايل مزنتـن مـا خالتـه
ما لا يطيق أشتال من بعدك وهو منّك وإليك=وصم الجبال الراسيـه تصدّعـت إن شالتـه
تظما عيونه شوفتك والنـور فيهـا يرتويـك=من غيبتك يا نور عينه والنظر مـا طالتـه
عين السعاده دمّعت تبكيه من حزنـه عليـك=في عمرها ما قد بكت يا حرّ دمعـن سالتـه
تبكيك ودموع المفارق ماتت براحـة يديـك=كنها تقول أخذت موتك أو بعـد مـا قالتـه
الله وأكبر تنطـق الدمعـه وكنهـا تفتديـك=قتّالته يا مـن فـدا فـي ذا الزمـن قتّالتـه
العمر خلص و الغلا كذاب و الغربه شريـك=ثلاث مطلبهـا قهـر يـا ليتهـا مـا نالتـه
يا غايبه جف القصيد وضاق صدر(ن) يحتويك=والقلب طفل(ن) شاب راسه و المحبه هالتـه
بشر عرفت بغيبتك وش حالت اللي يموت فيك=عساك تفهم حالتـه وأظـن بانـت حالتـه

من أجززززل إلى أجزززززل

افرد جناح السعـاده فـلْ حاجبهـا=الضيقه اللي بقلبـك مالهـا داعـي
ساعات دمع المحاجر ما يعذربهـا=والعين من كحلها ما هيب ترتاعـي
قد لي شهورن على عمري مصعبها=كن الزعل غيمتي والضيق مرباعي
أسج فكري و أدوج الرجل وأشعبها=مرات واعي ومرّه مانـي بواعـي
أضرب مع الناس خانه كنت شاطبها=لا علّها ما تنقّض باقـي اوجاعـي
اصد عن طاري الذكرى واجنبهـا=لكنّها وسط جوفي بين الاضلاعـي
إن جيت أبي أنسى تِذَكّرني مراكبها=وشوق المواني يحن لفلة شراعـي
حتى نسيم الشواطي مـن هبايبهـا=لحن المفارق يجره داخل أسماعـي
يشقيني الصوت والدنيـا مجربهـا=الآمال غابت ومنها قلّت اطماعـي
تشبهني الشمس لاجا وقت مغربهـا=تغيب واغيب وافقد نور واشعاعـي
لحظة غروب المشاعر كنت حاسبها=لحظه! ومرت سنه وحسابنا ضاعي
ما عاد يمدي السعاده يـا معذبهـا=فات القطار وتوقف بيننـا الساعـي
حزن الملامح بقى للعيـن حاجبهـا=من قال لك ضيقتي ماكن لها داعي

الامبراطور عبدالناصرآل عبدان
آلف صح لسااانك وقلبك ..
الاولى بصمة قويه ومازالت من القصائد اللي انا احتفظ فيهاا لقوتهاا ...
والثانيه ماتختلف عنهاا جزله ورووعه ...طوولت عليناا هنا في صدى المشاعر
لله درك والله لا يهينك عليهاا...

تقبل مرور اختك ...
صــبــــــآ

الأخت الفاضله .... (( صــــــــبــــــــا ))




بداية

مرورك على المتصفح أضفى عليه نورا من نورك

وشكرا على هذه الكلمات الطيبه والجميله

وكلي سعاده أن أعجبتك القصيده

شكرا مره أخرى على المرور الكريم وعلى الإطراء

الذي يدل على طيب معدنك



تقبلي


الاحترام والتقدير
لشخصك الكريم




أخوكم
عبدالناصر