يالله يلي عالم بالسراير
تجعل كلام الحق ما يات بقصور
ويالله تحفظ الي على الحق ساير
صباح الاحمد وافي الراي والشور
وبامر المديح بشيخنا صرت حاير
وحار القصيد وتاهت ابيات واسطور
كيف امدحه والشعر ضاع وتصاغر
في حضره الشمس انتهى منذكر نور
انا ومثلي الشعر قاصر وقاصر
مانبلغ بو صفك سوى بيت مكسور
ابو السياسه انت والكل خابر
مرجع بلادين وسياسات وامور
حكمه وحنكه واقتصاد, معاصر
جل الذي سواك للحق دستور
صبـــــــاح ابونا رمزنا وانتفاخر
بالطيب الي كل مافيه مخبور
لا شفنا زوله كننا نشوف جابر
والشعب في عهدك نسى الهم مسرور
هذي قصيده قالها اليوم عامر
وان كان ما وفت عسى اكون معذور