[سراب]

حلى شامواء بكيك يمامه شكل كشخه وطعم لذيذ
هلا والله با لمزايين جبت لكن حلى اذا قطعتيه وحطيتيه في
صينيه التقديم او قولب الورق حقت الحلى صار شكله كشخه لان
الطبقه اللي فوق تصير زي قطعه شامواء بني كشخه .........


الطريقه

تحتاجين الى كيك اليمامة يكون على شكل
قطعتين كيك مستطيلات فوق بعظهم وبينهم كريمه .

1.- كيك يمامه تفكى الطبقات عن بعض وتصفينها بالصينيه وتكون الكريمه
وجهها لفوق.

2- بالخلاط ( باكيت دريم ويب + علبه بسكويت اولكر صغيره او17 حبه بسكويت
+ علبه قشطه + ملعقه كبيره نسكافيه يتخلطينهم وبعدين تضعين عليهم

3- ( 4 ملاعق حليب بودره + 2 كاس ماء + 2باكيت كريم كارميل )
تحطينهم على النار وبعد مايفور تحطينه على اللي بالخلاط .

وتخلطين بالاول تحسين انها خفيفه بس مع الخلط تغلظ شوي خوذيها وصبيها
فوق كيك يمامه وتكوني مجاهزه كاكاو بودره ومشخال ناعم جدا واول ماتصبي
الخلطه على الكيك ترشي الكاكاو من الشخال وتغطي الوجه تمامن وخليه عشر
دقائق برا ولا تغطينه وبعدين حطيه بثلاجه وبعد مايبرد قطعيه وحطيه بقوالب
الورق حقات الحلى وشوفي شكله من فوق يكون الكاكاو زي الشامواء لانك
حطيتيه والطبقه اللي تحته حاره فيكون شكله حلو وطعمه حلو

اتمنى انه يعجبكم وعوافي علي قلوبكن