[كويتيه]

اوكي انا بعد بقولك عن طبق اختي علمتني عليه و سويته وطلع حلو..

اسمه شرائح التوست باللحم

المقادير

- لحم مفروم
- بصل
- دهن
- بهارات
- ملح
- توست
- روب
- جبن قابل للدهن.. يعني جبن قلاص ينفع
- طماط
- بقدونس





الطريقه:

- نحمس اللحم مع البصل والبهار والملح والدهن .. و نحط معاه الطماط و البقدونس.. و نحط قفشتين روب

- نرص التوست بصينيه بعد ما ننزع الحواف.. و ندرش عليه ماي شوي عشان نرطبه.. و بعدين ندهنه شوي بروب..

- نحط فوقه اللحم

- نحط طبقه ثانيه من التوست.. و ندهنه بروح على الخفيف.. و بعدين ندهنه بالجبن اللي قلتاا هليه انه اي جبن بس يكون قابل للدهن.. .

- حطيه بالفرن ليماا يتحمر الويه

و هني وعافيه