لك في ضميري حب ما ظن له حد
يشيب راسي و لاني اللي حصدته
احساس صوبك ما توافق مع احـد
يشابه اللي فـي عيونـك نظرتـه
تجلي همومي نظرتك تمحي الوجد
وجد القوي اللـي ليالـه اكسرتـه
امغرق العينيـن و امقطَـع الكبـد
من غبنتن تالـي زمانـه لحقتـه
يومن خويـه طايحـن و يتشهـد
و في صدره رماح المعادي اطرحته
فـز و تنحَـر للـعـدو يتـهـدد
لكن قيوده عـن خويـه سحبتـه
و ايديه ادمت من كثر ما هي تشد
على قيودن قاسيه مـا اعتقتـه..
جمر الهوى ما يوم بالجوف رمَـد
ادفن و لا يطفي لـو انـي دفنتـه
حلمن حلمته مقصده دمعه و بعـد
و قمت اتعوذ من فراقـن حلمتـه
و الجد كانك تبغـي السالفـه جـد
اسمع وش اللي بالمعاليق شلتـه :
للناس قدر و حشمه و خـوًه و ود
و انت الذي قدرك عليهـم فرقتـه
غالي و مثلك لا حكى مـا سمعتـه
صدق الغلا بأقصى ضلوعي مخلـد
ما يبيد لو الموت بالعيـن شفتـه ,,
قمــــــــــه وربي قمـــــــــه
ماشاء الله تبارك الله
صح بوحك ويمناك,,
لاهنت