لا تحتاج الروعة لصياغة مقدمات
بروووعتها :
العفــو يا معشــر العشاق=قلبـي نفـض عنـي اوهامه
نتايـج العشــق ما تنـطاق=والشــر خلفــه وقـدامه
قلـق وهـم وسهـر وإرهاق=طابـع .. لياليــه وأيامـه
وقفـة لقــاء وإنكسار فراق =دوّامـة ٍ وسـط دوّامــه
من يـوم ما خربت الأخـلاق=قـام الوهـم يطــوي خيامه
أقفيـت عـن مدمجات الساق=والرمـش والخـد ابـو شامه
مالـي بهـنّ لو يجـنّ أطباق=قنعـت .. والنفـس عـزامه
دايـم سلـوك الظنـون دقاق=ومـن تبرمـه تحكـم ابرامه
واللـي فـي غيبوبته ما فاق=بكــره نفسّــر له أحلامه
يا معتـرض لي وانـا تواق=الحـب لا تـركـز أعلامه
القلب صايـم علـى ميثاق=وأرجـوك لا تجرح صيامه
يلعب بيّ الشوق لين أشتاق=ويمثـّل ويعــرض أفلامه
الكافر .. المازح .. السراق=مدري متى يعلن إسلامـه ؟
اليـووه .. والآه بالطقـاق =والجرح واقف علـى أقدامه
والعاشق الصادق اليـا ضاق=وقـّع على بصمـة إبهامه
مانيب من يكشـف الأوراق=حتـى ولـو جفّت أقلامه
بديت في قمّـة الشـوهاق=والشاعر ومصـدر إلهامه
ولقيت في هامته مـا لاق=وتوافقـن هامـه وهامه
محبـة الغش ما تنسـاق=ومن ساقها يربط حزامه !
وجهة نظر وإختلاف أذواق=وكل ٍ على همـّه هيامـه !!
للإبداع كله .. / .. سداح ..