والله اختي اعتقد ان الفتاة احيانا تعجب بشخص يكون على قدر كبير من الاخلاق ويكون له منصب محترم وشهادة محترمة ... فهي ماتنلام انها تفكر فيه بس انها تروح وتطلب يده لا هذي صعبه ....
بس فيه حلول بديله خصوصا اذا كان من الاهل او الاقارب لكن تحتاج الى مساعدة من امها او اخوها او ابوها يعني لازم يكونون على قلب واحد ....
تترزز حق امه ويعزمون اهله عندهم في البيت وتقعد الام تمدح في بنتها وان كل الاطباق اللي قدموها هي من طباخ البنت .....
توطد علاقتها بخواته وتبين لهم طيبتها وأخلاقها ... وطبعا ماتظهر قدامهم الا متعدله وكاشخة ....بس بدون ماتحسسهم انها ميته على أخوهم ....
واذا استعصى الامر ممكن الام تخطب حق بنتها وهذي وايد شفناها وعرفنا بنات امهاتهم يخطبون لهم ... وبالعكس اختيارهم دايم يكون موفق والزوج يكون من أحسن مايكون ....
بصراحة انا من ألحين ادور حق بنتي اللي عمرها سنه ونص زوج وقاعدة اضبط العلاقات مع ولد عمتها اللي في الصف الرابع الابتدائي والله الزوج اللقطة هالايام مو مضمون .......