الله ولا ليلٍ قـزت فيـه الشجـون
والروح قد سـوى البـلا بافاقهـا
والصدر لجاته كـم لـج السجـون
والقلـب قدهـو عاجـزٍ طراقـهـا
ياهل الهوى فالغض سحاب الردون
عـزوا علـي ببعادهـا وفراقـهـا
اوما وداعـه بالكفـوف وبالعيـون
وامر الهوى يلـزم علـي اعناقهـا
لكن ماحيا الارض همـال المـزون
من عقب نكستهـا وقـو اشهاقهـا
تبكي وانا زادت بي اعراض الجنون
والشمس عافت صبحها واشراقهـا
قلبي مع حبه ومـن حولـه ودون
مالد بجـروح الهـوى واحراقهـا
مانيب في عهدٍ مضى رجلٍ يخـون
يلزم علـي فـي عهدهـا ميثاقهـا
ولانيب هاون غيرها فيمـا يبـون
يحرم على الغيمـه عبـث براقهـا
نبقى على الذكرى ونظرات العيون
وما امحق من الذكرى سوى لحاقها
صح الله لسانك واعتلى شانك يابومحمد
والله انك ارويتني شعر....ابداع الى مالا نهايه 
الى الأمام سر يابومحمد ياسنايدي
احترااامي