صباح الخير .,
توّ حبرها ماجفّ 
صباح المفارق مارحم ., لارِحم واليه=تصبّحت فيه وماهي بْخير تصبيحه
تسجّلتْ ذاك الصبْح لاعادني طاريه=بلستة : ( مظاليم الغرام ومجاريحه )
معاه إنولد للحبّ ( حزن الفراق ) وفيه:=توفا الوصلْ من بيننا ( والله يْبيحه ) .!
صحيح الهوا لويعطي الوصْل .؟ مايعطيه=نمدّ العمر لاجله ومدّاته شْحيحه
وانا يوم جاني رقمه وقلتله : ( لبّيه ) .؟=عطاني علومه كلّها في تصاريحه
وجيت المكان اللّي يقول إنّه بْياتيه=ويوم أقبل ومسيرته قومه وطيحه
ذخر لي تبسّامة شفاهه ., وضمّ إيديه=وذخرت إله في فرقاه تنهيته وصيحه .!
وقبل إنتوادع والعباري ملتْ عينيه=طلب منّي ادمح له خطاياه وآبيحه
وعطاني ( شريطٍ لبو نوره ) وهو شاريه=يقول اسمعه ., واذكرني ابكلّ تسريحه
وانا .؟ ماسمعته بسّ في درجي امخلّيه=على شان باقي فيه من ريحته ., ريحه .!
وسوالم