مرة من المرارير وانا طالع قنص انا والسمرمد اخوياي للصمان
.... ووقفنا ونصبنا خيمتنا ... وشبينا ضونا (( نارنا )) وتسدحنا قلنا نبي نريح
... يوم شرقت الشمس الا واسمع ضحكه ماهيب طبيعيتن بالحيل ..
وافز من نومي ... واطالع الا ونانسي بنت عجرم وابوها عجرم وامها عجرمه
... جالسين قريب منا ويشوون وهي تلعب بالكوره ...
واقوم ابلع ريقي وافرك عيوني قلت يمكن انه حلم من حلومي اللي مالها داعي ..
واناظر مره ثانيه الا وهي بنت عجرم والماريه لابسه جينز مشققه ركبه
... وتلعب بالكوره .. وسمعتها تقول ل أمها: مامي دخلك ماتكتري الليمون على التبوليييييه
(( ناس طالعه تاكل تبوله وحنا ناكل ضبان ))...
قلت يامهستر والله انه علم صدقي ماهوب حلم واناظر لاخوياي
.. الا وهم منخمدين في نومتهم ... واقوم واغسل وجهي ... وامشط قذلتي بعد ماحطيت عليها زيت فرامل عشان تطلع لها لمعه .. واروح لعجرم وبنته ...
وشوي الا نانسي قالت يادلي على البي شو هايدا من انو كوكب جاي الزلمه هايدا ...قلت من كوكب خرخير ياالطخمه ورا وجهي ماعجبس .... قال ابوها شو بدك خير انشالله ... جاي عم تتكشف محارمنا ... واقول بيني وبين نفسي (( يانعنبا بطن امك اللي جابتك هما بنتك تتغنى وتشكشك قدام الله وخلقه )))
قالت امها شو بدك ابني يوم قالت ابني ... سعبلت وتمسكنت قلت ابي بصل .. نسينا البصل ونبي نسوي شكشوووكه
.... قالت تعا تعااااااااااااا <<< بدون ماتنطق حرف اللام
واجي لمها كني قطو يتشمشم ... واقول في خاطري يادكتور يامهستر ورا ماتاخذ السكين من هالعجوز وتطعنها هي وشايبها وتخطف هالشمحوووطه وتوديها للخيمه .. وتراجعت قلت مالها داعي ... محاكم وقضايا الشغله ماهيب محرزه ... تجيبها الاقدار واخذ البصل واضف وجهي ... ورجعت للعيال الا وهم خامدينها نووومه ... ((( قايل لكم طالع مع رخوم )))
نهاية الحلقه 1
انتظروا الحلقات الجايه ,,, بنزلها حسب الردود هنا
الى هنا ... ونقفل حلقتنا لهذه الليله