قصيده ارسلتها الى اخي الشاعر ناصر بن سعد البرغش عن احوال اهل النميمه
ارجو ان تحوز على اعجابكم
صلو على النبي
ياهاجسي لاضاقت صدور الرجال = وكل ذيبن فالمشاريف يعوي
شبيت ضوي يوم صفيت الدلال = وصوت نجري فالخلا يدوي دوي
يامرحبا ياناصر البرغش تعال = يامحزمي وقت الشدايد ياخوي
همن على صدري رسى مرسى الجبال = الشامخات الي زوت قلبي زوي
ماغير اهوجس والفكر شد الرحال= صوب ناسن فالزمان الفوضوي
اهل النميمه والحكي في كل جال = لقبلت هلو وان مشيت الله قوي
مثل الرحاه المستديره ذى مثال = عزيل من عظمه معاها يلتوي
يالله جنبني دروب اهل الخمال = اهل النميمه مابهم شخصن سوي
يالله عفوك ياعزيز وياجلال= انك تفرج ضيقت الي منطوي
في مجلسه جالس وطال الليل طال = بحرفه الي صاغها لغلى خوي
وســـلامتـــكـــم