[(هاوي قصيد)]

مسا الخير

من الارشيف , راجي انا تلامس ذائقتكم ...

الا لم ترى قلبٍ من الحب والاشواق = كما روض نبتٍ فرعت عن نوايعها

تبي داخل الاعماق او خارج الاعماق = تبي شيحها او فلها او روايعها

إلا قلت لك مشتاق فعلاً ترى مشتاق = إلا كنت ضاميها وإلا كنت جايعها

انا اعشق مراتيعٍ سكر فوقها البراق = واعشق البداوه واهلها من طبايعها

وشوفت مجاهيمٍ مع لحظة الاشراق = مصاغيرها تدرج مع اول طلايعها

واعشق القنص والمغتر الحايم اللحاق = بعد علق الصيده وهود فزايعها

وجمعت رجال العز والطيب والميثاق = يصك الردي ماهوب ياصل وقايعها

ولو شفت فالدنيا ولو طقت ماينطاق = غرام البداوه يبعد النفس لايعها

انا مادخلت السوق يالهاوي الذواق = علشان تنشدني عن افضل بضايعها

تركت الهوى لهل الهوى والغرام إزهاق = يموت الخفوق ولا لحقنا وجايعها

مضتلي دروسٍ فالهوى والفراق إفراق= بعد شفت شاريها يبي قرب بايعها

وسلامتكم