السلام عليكم ورحمة الله وبركاته
لا أوجـيـد بالـمـقـدمـه .... ولـكـن !
استلموا
.
.
.
.
حسّـي بلوعـات الليالـي والاحـزان=بعديـن حسـي بالهـوى لا بغيـتـي
وش به يهمك لو يقولـون زعـلان!؟=لو فيـك ذرّه مـن غـلا .. ماجفيتـي
يا اللي تقوليـن الخطـأ زلـت لسـان=فـي زحمـة الايـام ليـه اختفيـتـي؟
خطاي وان جا .. مدري الذنب وش كان=ليـه انتهـى ذاك الغـلا وانتهيـتـي؟
وقفت في وجه الزمـن قـدر الامكـان=وانتي جنح فيـك الخيـال .. وغفيتـي
غلطان انا في كـل الاحـوال غلطـان=اسرجت لك خيـل القصيـد وسريتـي
جيتي وقلت الجرح يـوم اقبلـت هـان=واثرك على الجرح القديـم ارتكيتـي!!
قلتـي لـي ان الحـب لابـد ينصـان=واليـوم ماكنـك دقـايـق هويـتـي!
شافوك حساد الهوى شـوف الاعيـان=يومك علـى رجـم القصايـد رقيتـي
العام لك طـاري بقلبـي ولـك شـان=واليـوم احـس بغلطتـي لا طريـتـي
وان قدّر المولـى وعشتـي بحرمـان=ومـن حـرّ لوعـات التجافـي بكيتـي
تذكـري قلـبٍ لـه سنيـن شفـقـان=شوفي بحقـه يـا كثـر مـا خطيتـي
كل القصيد اللـي اقولـه علـى شـان=تهـزك الذكـرى عقـب مـا نسيتـي
لـلــشــاعــر : مـتـعـب الـتـركـي
تـقـبـلوا تحياتي
بــ ــــــــرق