..
يا ســــــــــلام على راية الشعر
تقـل العوايـد يـوم تتعـاقـب الاجـيـال=وسلوم الرجـال الاولـه تتعـب التالييـن
ولـو نبكـي اللـي راح ياويـل حـال وال=بعـد روحـوا شيباننـا الزحـل الوافييـن
موصيننا بالصـدق فـي القـول والافعـال=وفي جمعة تهتاب مـن قوهـا الطامعيـن
غدينا شتات وحن عيال(ن) علـى رجـال=رخصنا والاجناب اصبحوا عندنـا غالييـن
نحب الجمـل والحمـل ونعـذرب الجمـال=وهو اللي يقود الزمل من وين اليـا ليـن
مـن اول يـوم القـل والمـال ماينطـال=قبل شركة الكهرب تنـور بيـوت الطيـن
يوم ان الرفيق اغلى من الروح والمنـزال=ويوم ان الرفيق ان غاب نفقده فقد(ن) شين
وذلحين الاخ يقاطـع اخـوه حيـل وحـال=ولا حستـه الايـام ولا غــراب البـيـن
اخوي ابن ابوي ان كان مايـردع العيـال=اليا عال فيني رحت به في ( سند الاثنين )
ابيعـه كـذا واشـرب ورا بيعتـه فنجـال=وانا دون عمري قبل يولـد الـى ذلحيـن
جروح العرب تبرى وجـرح الاخـو قتـال=وجرح العرب واحد وجرح الاخـو جرحيـن
ولـو يبتلـى والله ماخليـه ليـن يـهـال=علي القبر ولا انتصر لـه مـن الغاوييـن
يقولـون جيبـك اكبـر اخوانـك العقـال=وانا اقول وقفة الاخ تسوى كنـوز الصيـن
عطاني الزمن كل شـي الا مـره واطفـال=عسى الله يكمل زينتي فـي الحيـاة اميـن
لاتحزن ولا تزعـل تماسـك وهـد البـال=ترى العاقل اللي يحسب حساب وقته زيـن
رفيقـك تحمـل لـه ثـلاث لاشـك ثقـال=لكن رابعته افطن لها واخـذ حـق وديـن
والاولاد وهبـه لاعمـام(ن) ولا بـخـوال=عسى الله يصلح ماعطانا مـن الجنسيـن
ياكم بنت هامل جا ولدهـا بطـل الابطـال=وكم بنت شيخ(ن) جا ولدها قصيـر ايديـن
زكـاة العـوال معاكستهـا زكـاة المـال=لاطاب الك واحد فادفـن عوالـك الباقييـن
الله يرزقه المره والذرية الصالحه
يستاهل ابو محمد
والله قصيده سبق لي قرأتها في مجلة المختلف اكثر من مررره
ويوم شفتها فالمنتدى رجعت اقرها اكثر من مررره بعد ..!!؟
يعني لا يغرّك عدد المشاهدات .. ترى كلها انا 
..
بيض الله وجهك يا الغناوي
والف شكر على طرح هذه الروائع النادره
دمت بود